بعد قضيه نهى ومن قبلها بنات المهندسين ووسط البلد بقى الكلام عن التحرش الجنسى هو موضه اليومين دول وبقت الولاد ماشيين فى الشارع رافعين شعار " تحرش باللى تقدر عليه " عزيزتى الفتاه اقدر اقولت بمنتهى الثقه انك ممكن تتعرضى للتحرش الجنسى فى اى وقت وفى اى مكان : فى الشارع ، فى المواصلات وحتى لو كنتى قاعده فى امانه الله فى عربيتك "بالمناسبه عندى واحده صاحبتى وهى قاعده فى عربيتها واحد مد ايه من شباك العربيه ومسك صدرها وبعد كده جرى بسرعه ."
من فتره سمعت ان المركز المصرى لحقوق المرأة عمل خط ساخن لتلقى شكاوى التحرش الجنسى ومساعده المتحرش بيهم ولانى واحده من ملايين البنات اللى بيتعرضوا لكده طول النهار اتصلت بيهم عشان اعرف بيتصرفوا ازاى فى الشكاوى دى لكنى اكتشفت ان الخط الساخن ده ابرد من اى حاجة فى الدنيا لانى قعدت اسبوع مش عارفه اوصل لاى حد اتكلم معاه مره يقولوا لى اصل اللى بتتلقى الشكاوى مش قاعده على مكتبها ومره يقولوا معلش كلمينا بكره اصلنا بنحضر نفسنا عشان ماشيين او اصلنا بنتغدا! المهم وبعد حوالى اسبوع على ده الحال بكره يجر بعده وبعده يجر بعده ولصت اخيرا للست اللى بتتلقى الشكاوى على اخط اللى مسكيينه ساخن وده اللى حصل بينا :
مساء الخير
اهلا اتفضلى قولى شكوتك
والله انا كنت ماشيه من كام يوم فى الشارع وفيه راجل فضل ماشى ورايا بالعربيه مسافه كبيره وقعد يقولى كلام مش لطيف ويوصفلى حاجات مش كويسه ولما حاولت اروح استنجد بواحد كان ولقف واقوله لو سمحت الراجل ده ماشى ورايا بقاله 10 دقايق قالى وانا مالى اعمل لك ايه وبص لى بصه احتقار المهم الراجل نزل من العربيه وكمل مشى ورايا على رجله ولمات دخلت اول عماره قابلتنى طلعت مالقيتوش.
طيب اسمه ايه الراجل ده؟ وعنده كام سنه؟ وعنوانه ايهبالظبط؟
معرفش طبعا !
طيب وانا المفروض اعملك ايه دلوقتى لما انتى مش عارفه عنه اى حاجه
امال انتوا عاملين الخط ده ليه؟
عشان اللى بيتعرضوا للتحرش يكلمونا واحنا نرفع لهم قضايا على اللى عملوا فيهم كده بس لازم يكونوا عارفين عنهم كل المعلومات اللى قولتلك عليها.
طيب وانا اعمل ايه دلوقتى ؟
والله ماعرفش دى غلطتك انتى لانك مامشكتيهوش وبلغتى عنه فى ساعتها احنا هنا بس عشان نرفع لكم القضايا ونعمل دراسات عن نسب واسباب التحرش ونسبه الناس اللى بتتعرض للتحرش.
والمهم بعد المكالمه دى حسيت ان المركز مش بيقدم اى خدمه حقيقيه للمتحرش بهن ولو افترضنا انك روحتى تعملى محضر زى ما هى قالت يبقا لازم يكون فيه شهود شافوه وهو بيتحرش بيكى وتكونى عارفه عنه كل المعلومات اسمه ، سنه،عنوانه رقم تليفونه لو امكن عشان البوليس ما يتعبش وهو بيدور عليه والاهم من كل ده انهم هناك هيعرفوا كل المعلومات عنك عشان كده انصح كل البنات انك لو حسيتى ان فيه حد هيتحرش بيكى اتصاحبى عليه الاول وخدى رقمه واسمه وعنوانه عشان تعرفى بعد كده تجيبى حقك منه!
على فكره التحرش مش بس لمس اى حته فى جسمك لا ده كمان بالكلام والنظرات والنكت القبيحه وان لو واحد عرض عليكى زاصر اكتر من مره انه يعزمك على العشا او انك تشتغلى فى مواعيد متاخره بعد الموظفين ما يمشوا ده يعتبر نوع من انواع التحرش وبعد كل الكلام ده اكتشفت اننا لسا عندنا ثقافه الكسوف وانى لو اتكلمت فى حاجه زى دى يبقا كده انا بفضح نفسى والراجل بيستغل تفكيرك ده وبيذيد فيها عشان كده بنسمع كتير اوى اليومين دول عن المدرس اللى تحرش بالطالبه بتعته والدكتور اللى مش عارفه عمل ايه مع المريضه بتاعته وهكذا لاننا بنسكت ومش بنتكلم .
اما بقا اللى طلع موضه بجد هى البنات اللى بتتحرش بالولاد وده بيحصل كتير فى الاتوبيسات فتلاقى بنت سابت نفسها لما الاتوبيس يفرمل عشان تقعد على رجل ولد قال يعنى من فرمله الاتوبيس! او البنت اللى بتتحرش ببنت زيها فتمسك صدرها او وسطها معلله بانها مش عارفه تقف فى المترو وطبعا فى الحاله دى البنت المتحرش بيها بتقول ولا يهمك كلنا بنات عادى انا بقا بقولك لا مش عادى احنا فى زمن تخافى على نفسك من البنت اكتر من الولد اللهم انى بلغت اللهم بشهد .
من فتره سمعت ان المركز المصرى لحقوق المرأة عمل خط ساخن لتلقى شكاوى التحرش الجنسى ومساعده المتحرش بيهم ولانى واحده من ملايين البنات اللى بيتعرضوا لكده طول النهار اتصلت بيهم عشان اعرف بيتصرفوا ازاى فى الشكاوى دى لكنى اكتشفت ان الخط الساخن ده ابرد من اى حاجة فى الدنيا لانى قعدت اسبوع مش عارفه اوصل لاى حد اتكلم معاه مره يقولوا لى اصل اللى بتتلقى الشكاوى مش قاعده على مكتبها ومره يقولوا معلش كلمينا بكره اصلنا بنحضر نفسنا عشان ماشيين او اصلنا بنتغدا! المهم وبعد حوالى اسبوع على ده الحال بكره يجر بعده وبعده يجر بعده ولصت اخيرا للست اللى بتتلقى الشكاوى على اخط اللى مسكيينه ساخن وده اللى حصل بينا :
مساء الخير
اهلا اتفضلى قولى شكوتك
والله انا كنت ماشيه من كام يوم فى الشارع وفيه راجل فضل ماشى ورايا بالعربيه مسافه كبيره وقعد يقولى كلام مش لطيف ويوصفلى حاجات مش كويسه ولما حاولت اروح استنجد بواحد كان ولقف واقوله لو سمحت الراجل ده ماشى ورايا بقاله 10 دقايق قالى وانا مالى اعمل لك ايه وبص لى بصه احتقار المهم الراجل نزل من العربيه وكمل مشى ورايا على رجله ولمات دخلت اول عماره قابلتنى طلعت مالقيتوش.
طيب اسمه ايه الراجل ده؟ وعنده كام سنه؟ وعنوانه ايهبالظبط؟
معرفش طبعا !
طيب وانا المفروض اعملك ايه دلوقتى لما انتى مش عارفه عنه اى حاجه
امال انتوا عاملين الخط ده ليه؟
عشان اللى بيتعرضوا للتحرش يكلمونا واحنا نرفع لهم قضايا على اللى عملوا فيهم كده بس لازم يكونوا عارفين عنهم كل المعلومات اللى قولتلك عليها.
طيب وانا اعمل ايه دلوقتى ؟
والله ماعرفش دى غلطتك انتى لانك مامشكتيهوش وبلغتى عنه فى ساعتها احنا هنا بس عشان نرفع لكم القضايا ونعمل دراسات عن نسب واسباب التحرش ونسبه الناس اللى بتتعرض للتحرش.
والمهم بعد المكالمه دى حسيت ان المركز مش بيقدم اى خدمه حقيقيه للمتحرش بهن ولو افترضنا انك روحتى تعملى محضر زى ما هى قالت يبقا لازم يكون فيه شهود شافوه وهو بيتحرش بيكى وتكونى عارفه عنه كل المعلومات اسمه ، سنه،عنوانه رقم تليفونه لو امكن عشان البوليس ما يتعبش وهو بيدور عليه والاهم من كل ده انهم هناك هيعرفوا كل المعلومات عنك عشان كده انصح كل البنات انك لو حسيتى ان فيه حد هيتحرش بيكى اتصاحبى عليه الاول وخدى رقمه واسمه وعنوانه عشان تعرفى بعد كده تجيبى حقك منه!
على فكره التحرش مش بس لمس اى حته فى جسمك لا ده كمان بالكلام والنظرات والنكت القبيحه وان لو واحد عرض عليكى زاصر اكتر من مره انه يعزمك على العشا او انك تشتغلى فى مواعيد متاخره بعد الموظفين ما يمشوا ده يعتبر نوع من انواع التحرش وبعد كل الكلام ده اكتشفت اننا لسا عندنا ثقافه الكسوف وانى لو اتكلمت فى حاجه زى دى يبقا كده انا بفضح نفسى والراجل بيستغل تفكيرك ده وبيذيد فيها عشان كده بنسمع كتير اوى اليومين دول عن المدرس اللى تحرش بالطالبه بتعته والدكتور اللى مش عارفه عمل ايه مع المريضه بتاعته وهكذا لاننا بنسكت ومش بنتكلم .
اما بقا اللى طلع موضه بجد هى البنات اللى بتتحرش بالولاد وده بيحصل كتير فى الاتوبيسات فتلاقى بنت سابت نفسها لما الاتوبيس يفرمل عشان تقعد على رجل ولد قال يعنى من فرمله الاتوبيس! او البنت اللى بتتحرش ببنت زيها فتمسك صدرها او وسطها معلله بانها مش عارفه تقف فى المترو وطبعا فى الحاله دى البنت المتحرش بيها بتقول ولا يهمك كلنا بنات عادى انا بقا بقولك لا مش عادى احنا فى زمن تخافى على نفسك من البنت اكتر من الولد اللهم انى بلغت اللهم بشهد .
This entry was posted
on الخميس, نوفمبر 20, 2008
.
You can leave a response
and follow any responses to this entry through the
الاشتراك في:
تعليقات الرسالة (Atom)
.
